Tuchun Science thiamnak chung taktak tiang luh khawhnak ding caah a biapi cemmi le a hrampi thiam hmasa a herhmi cu Kanaan (Math) hi a si. Zei zong vialte hi number in tuak an si. Cu number tuak ning cu na thiam lo ahcun rian thatha le thil sunglawi vialte na tlolh dih sual ko hna hnga. Kan fale hna nih cu thil thatha hna an phanh khawh nakhnga Kanaan cawnnak hi kan tuahmi a si. Youtube nan on tikah “chin foundation series” tiah nan ṭial lai i a rak chuak te lai. Chin Foundation bantuk zong an tampi caah “series” timi kha nan telh lo ahcun nan kau kho sual lai lo (Asilole ‘hngakchia fimcawnnak’ ti zongin kawl khawh a si. Nan zoh duhnak tete fawi te in kawl khawhnak ding caah tawite te in kan chiah hna.
Nule pa le fa le kar lak ah a bau ngaimi cu kan fale an cawnnak ah kan zoh/theihpi khawh hna lo le an cawnmi kong ah bia kan iruah khawh lo hi a si. Nule pa cathiam kan si lem lo zongah hi youtube hi kan zohpi peng hna ahcun an cawnnak chungah zei tluk in dah an thiam le kan ṭanpi hna ti kha kan langhter khawh ve cang lai. AN CAWNMI KONGAH KAN TELPI HNA I BIA KAN IRUAH ṬI KHAWH HI A BIAPI CEMMI PAKHAT A SI. Cu caah hi youtube hi rak zohpi lengmang hna ulaw tampi nan theih lem lo zongah rak nolhpi lengmang ko hna uh. Hi cawnnak hi Science cawnnak caah a hram an si. A hram a that ahcun theipar tha a ngei ve te ko lai. Zei tluk in dah na dawt hna le na siaherh hna ti zong an theihnak ding hna lam pakhat a si fawn. Na fale sianginn ah voi tampi na kal a herh bantuk in hika youtube zong tampi na zohpi ve hna a biapi tuk hringhran ko.
Hi kong a thei lomi nan hawi le zong rak chim cio hna uh…
A dang tampi a um rih. Mah te in YouTube ah zoh cio te ding si lai…
Laica cawnnak zong YouTube ah kan taar hna, rak zoh chih te u…