Pehtlaihnak le hawikomhnak nih kan nunnak hi sullam le man a ngeihter chinchin. Tonhmun pakhat phaktti hi a hramthok asi, pehtlaihnak ngeih hi tthancho asi, rianttuanttinak ngeih hi tainak asi timi tlaihtleng hi kan zul ve. Tuchan ahcun chanthar teknolozi a tthacho tuk cang i khuate pakhat um bantuk kan si cang. Cu thil hna hmang in kan miphun vialte kan ipehtlai dih lai, kan miphun a dawmi kan unau hna zong kan pehtlaih hna lai i remdaihnak he a nuam chinchin mi vulei thar kan panh lai.
Chin miphun pawl hi Burma, Bangladesh le India ram deuhah kan rak um. Asinain a chan chan in raldohnak ruangah atu cu vulei killi ah kan itthek dih. Kanmah kan ipehtlaih lawng si loin kan techin fapar tiang in pehtlaihnak lam kan sersiam lai, cuticun lungkhat thinkhat te in kan dirtti hna lai. Kan kong hi miphun dang hna le cozah vialte hna zong kan chimh hna lai, vulei pi ah kan thanh lai.