Comments Off on Khuasak Sersiamnak

Khuasak Sersiamnak

Khuasak sersiamnak hi cozah vialte nih zei dang hlan cemah an zuan hnawhmi asi. Ram chungmi ttamhal lo te an um khawh i khuasaknak kongah lung rethei lo te umter hi a biapi hringhran ko. Minthang ngaimi Maslaw’s theory, tuchun ni tiang sianghleirun kip i cawnmi, ah ttamhal lo te le dornak reprai ngeih hi minung nunnak ah a biapi cemmi asi, ati. Cu hnuah himnak le phungphai hna hi an si, ati. Chin Foundation zong nih kan hmuitinh ah kan tar bantuk in kan nun khuasak ning sersiam i tthanchoter hi kan itinh bikmi pakhat asi.

Khuasak ning sersiam hi thil har ngai asi caah cozah pipi hmanh nih an iharh ngai i cozah santlai lo hna nih cun an tuah kho tawn lo i an ibuaipi cemmi pakhat asi. Zei ca ti ahcun a kapkip in rak tthancho cio i rak ibawmh khawh cio a haumi asi. Cu thil hna sersiam khawhnak dingah minung thazang, phaisa thazang, ngeihchiah dangdang, vulei le thilri hna le fimthiamnak a phunphun hna hmang in hlawknak a chuahpi khomi, zuar khawh asimi thilri hna chuahpi khawh te hna a hau. Khat lei kap in mipi hna nih mi dang bochan hin lo te in mah ke te dir duhnak he rak izuam i rak ttan len ve a hau. Cu ticun rian tampi ser i tax tampi hmuh khawhnak lam sersiam a hau. Cu nih cun kan zapi lungrual tein kan ttantti a herh hringhran tinak asi. Kan pawngkam khuasaknak a sersiam khotu le kan khua kan ram sersiamnak ah a tel kho ve mi kan si hrimhrim cio dingah kan lungthin sersiam cio hna usih.

Filed in: Khuasak Sersiamnak

Get Updates

Share This Post

Recent Posts

© 2017 The Chin Foundation. All rights reserved.