Comments Off on Holhleh Le Caleh

Holhleh Le Caleh

Chinmi hi miphun dang siangpahrang nih an rak kan uk bal lo ti a langhnak cu mah le cerei cio le zalong ngai in kan rak um i hiti kan holh a tamnak hin a fiang ngaingai. Kan holh a tam nain kan holhah 60% hrawng a khahmi zoh tikah unau kan sinak a lang fawn. Tuchun ni ah ram kip i kan um tthan tikah kan holh thiammi a karh chinchin. Hihi vulei kipah rianttuan kho ding hrihhram ttha taktak pakhat ah hman khawh asi. Cu ti ding caah timhlamh kan si ti hmanh in micheu nih cun ruah khawh asi. Holh tam thiam hi thil ti khawhnak pakhat asi. America Chinmi lakah holh let pawl hi nihlawh tam cem a hmumi an si. Ramkip ah holh let le holh cawnpiak a cawmmi rel cawk lo an um. Cu caah holh let/chim in minung tam chinchin kan icawm kho rih lai, tinak asi.

Holh kong ceih tikah a biapi mi cu kan fa le kan holh thiamter hmasa hi asi. Asi khawh ahcun Kawl, Spanish, Hindi (Vai), Mandarin (Tuluk) holh te hna thiamter khawh izuam ding asi. Vai holh le Tuluk holh thiam lawng hmanhah vulei cung milu hnar cheu dengmang holh na thiam tluk asi. Mirang holh thiam chih ahcun duhmi poh tlolh lo ding dirhmun phak tluk nawn khi asi hnga. Chinmi lawng nih holh lehnak campany tuah zau i phone in ram kip holh leh khawh ding dirhmun kan phan kho cang lai. Cu bantuk in ram kip i an chuahmi cauk tthattha le fimthiamnak vialte hna khawmh i thil lianngan tuah khawhnak lam kan ngeih bantuk zong asi.

Filed in: Business Resources

Get Updates

Share This Post

Recent Posts

© 2017 The Chin Foundation. All rights reserved.