Comments Off on Cawnnak le Theening

Cawnnak le Theening

 

 

 

 

 

 

Kan thil ti khawhnak a tthan khawh i kan khuasak a rem deuhnak hnga thuk deuh le sang deuh purh khawhnak tthening (capacity building) le ngol lo in cawn pengnak (life long learning) hna hi a bikin tolrel cuahmah asi. Cu bantuk cawnnak hna a bawmchantu dingah; a bu bu in ceihhmainak a phunphun, caan tawi le caan sau tthening, internet in cawnnak le biaruahnak tbt in tolrel asi.

Fimthiamnak lei cawnnak ah thazang kan pekmi a tthawntertu le a fehtertu dingah bawmhnak le ttanpinak (sponsorship and scholarship) tete zong timhlamh asi. Mi dang pakhat khat kha hmailei ah kaar khat te a kar khawh i cunih cun a nunnak ah teinak nun a ngeih khawh i amah bantuk in mi dang zong a cawnpiak khawh ve hna ahcun minung pakhat te hmangin vuleipi na hei thlen khi asi ko. Kan miphun hi cawnnak leiah tampi ttan kan lak rih a hau. Cozah bochan in cawlcangh awk a tthat lo caah hiti hin pakhat le pakhat kan ittanpi i kan miphun hi kan sersiam a hau cang.

Ram leng chuakmi Chinmi hna nih fa tampi kan ngei ngam ti lo. Sihmanhsehlaw kan fa le bantuk kan thisen khat asimi kan unau hna kan ramah ttanpi haumi tampi an um. Cuhna bawmh le ttanpi dingah rian khinh kan si. Mirang zumtu tthen khat pawl mission rian ttuan ning cu mah fa le pinah midang fa zohkhenh chap (adoption) hi asi. Atu dum a kan hlantu pa hi amah nih fa 3 a ngeih hna i midang fa 5 adoption a tuah hna. Mah fa le tluk in midang fa le zohkhenh piaknak nun in Bawipa rian an ttuan i mi thil rit an chawn hna. Kan nih zong cu bantuk zohkhenh ding kan ramah tampi kan ngei. Umpi theng lo in a langin cawm ken khawh an si. A thluak a ttha ngaingai mi, a fel ngaingai mi, bochan tlak taktak te ding mi kan unau tampi harsat ruangah lung dong le zaangfak in an um. Minung (human resource) lei cun bawmh ding le hman ding tampi an um. Chuak lakin tanpi tu kan hau. Hi parokrem ah tel dingin phaisa tampi a hau lem lo. Tel ve i mi bawmh na duh ahcun ttuantti dingin kan in sawm hna.

Filed in: Cawnnak le Thenning

Get Updates

Share This Post

Recent Posts

© 2017 The Chin Foundation. All rights reserved.